抵食宵夜

由於假期睡得遲，起得遲，搞到下午茶當午餐，晚餐時就無胃口，於是等到宵夜時段才去食晚飯，行下行下到了稻香門口，發覺原來做緊個宵夜火鍋優惠，仲幾抵食！(45元一隻雞連火鍋湯底)

於是就行入去幫襯，入到去睇一睇個餐牌，發現還有更抵食的套餐，半隻雞加上紅、黃、綠( 我選了牛肉、鯇魚片、通菜)各1種火鍋食物連湯底，再送2罐啤酒，都只是78元，於是就揀左佢，不一會個套餐來了，份量都不少。

後來再加了個雙拼(金菇拼海鮮菇)，各種食材都很新鮮，味道都不錯，再加上個湯底的幾片椰子，帶出濃濃的椰香，令到食材都有陣陣的椰香，幾有特式！還有隨附的醬料(沙薑醬及青桔仔)，用來點雞真係別有一番風味，埋單計數連加一茶錢都只是136元，真係幾抵食。

青桔仔

沙薑醬